2024 жылдың 30 сәуірінде Алматы қаласында, №5 мектеп-гимназиясында «Ұлы Жібек жолы – диалог жолы. Ұлы Жібек жолындағы бейбітшілік диалогы» атты IV Халықаралық балалар мен жасөспірімдер бастамаларының форумы өтті.

Форумның мақсаты – Ұлы Жібек жолы бойындағы халықтардың мәдени мұрасын сақтау және арттыру, түрлі халықтар қауымдастығы өкілдері арасындағы өзара сыйластықты нығайту, шығармашылық әлеуетті дамыту.

Іс-шараны ЮНЕСКО қамқорлығындағы Халықаралық Мәдениеттерді жақындастыру  орталығы ұйымдастырды, серіктестер ретінде Алматы қалалық білім басқармасы, «Алматы қаласы Білім басқармасының Білім берудегі жаңа технологиялардың қалалық ғылыми-әдістемелік орталығы» Алматы қаласының мектептері: «№5 мектеп-гимназия» КММ, «№73 мектеп-гимназия» КММ, «№105 гимназия» КММ; Орал Таңсықбаев атындағы сәндік-қолданбалы өнер колледжі; №3 оқушылар үйі, №6 оқушылар үйі; әл-Фараби атындағы Қазақ ұлттық университеті, Каспий университеті, Орталық Азия елдерінің, Ресейдің серіктес мектептері, ЮНЕСКО клубтары; Республикалық «Дружные ребята», «Ұлан» балалар газеттері қатысты.

Форумға қатысушылар үшін «Мәдениетті сақтайтын болсақ, мәдениет әлемді сақтайды» - деді негізгі сөзінде ЮНЕСКО қамқорлығындағы Халықаралық Мәдениеттерді жақындастыру орталығының директоры, Халық жазушысы, Қазақстанның Еңбек Ері, аты аңызға айналған ақын Сүлейменов.

 Форум бағдарламасы мәдениет, білім және спорт салаларын қарқынды түрде біріктіреді. Бұл шара жаһандық бейбітшілік пен дамуды нығайтудағы мәдениет, білім және спорттың маңызды рөліне назар аударуға арналған. Форумның жаңалығы – Жібек жолы бойында тұратын халықтың өзіндік ерекшеліктерінің элементтері болып табылатын дәстүрлі ойындарды енгізу.

Форумның модераторы: ЮНЕСКО қамқорлығындағы Халықаралық Мәдениеттерді жақындастыру орталығының жастар бағдарламаларының бас үйлестірушісі Юрченко Татьяна Владимировна.

Форумды ашты: «№5 мектеп-гимназия» КММ директоры Жұмабекова Сәуле Нұрбекқызы, ЮНЕСКО қамқорлығындағы Халықаралық Мәдениеттерді жақындастыру орталығының ғылым бөлімінің меңгерушісі (2 санат) – Валерий Геннадьевич Толмачев ашты.

Құттықтау сөзді Ресей Федерациясының Алматы қаласындағы консулы Наталья Геннадьевна Сорокина, Ресей Федерациясының Алматы қаласындағы вице-консулы Мария Сергеевна Симакова, сондай-ақ әл-Фараби атындағы Қазақ ұлттық университетінің, МЕТУ университетінің шетелдік студенттері сөйледі.

«Жібек жолы» жобасының тұсаукесерін «Жібек жолы» жобасының үйлестірушісі Маджер Масанов жасады. Қазақстан, Қырғызстан, Тәжікстан және Өзбекстан үшін ЮНЕСКО-ның Алматыдағы кластерлік бюросы.

Қытай Халық Республикасының Алматыдағы Бас консулдығының консулы Чэнь Сяньюнь «Бір белдеу және бір жол» баяндамасында Қазақстан-Қытай қарым-қатынасының мәдениет және білім саласындағы болашағына тоқталды.

«Жер жады» (1970) деректі фильмінің көрсетілімін (Режиссері - Ә. Батпаев, операторы - Р. Сабиров. Ғылыми кеңесші - Ә. Марғұлан. Өлеңдер авторы - Олжас Сүлейменов) ЮНЕСКО қамқорлығындағы Халықаралық Мәдениеттерді жақындастыру  орталығының  Халықаралық байланыстар бөлімінің жетекшісі, «Бильгамеш» ғылыми альманахының редакторы, Игорь Владимирович Крупко ұсынды.

Форум нәтижесінде ЮНЕСКО қамқорлығындағы  Халықаралық Мәдениеттерді жақындастыру орталығының ресми YouTube арнасында бейнеролик жарияланды (2-санат), осы іс-шараны өткізуге көмектескені үшін қатысу сертификаттары мен алғыс хаттар жолданды.