2022 жылдың  30 - сәуірінде  Алматы қаласында ЮНЕСКО-ның 2022-2029 жылдарға арналған орта мерзімді стратегиясына сәйкес білім алушылар мен шығармашылық қоғам, мәдени әртүрлілік пен мұраларды қорғауға қолдауды қарастыратын «Ұлы Жібек жолы-диалог жолы. Ұлы Жібек жолындағы таланттар және мәдени мұра»  атты онлайн форматта  балалар мен Жастар бастамаларының екінші Халықаралық форумы өтті.

Іс-шараны Қазақстан Республикасы Мәдениет және спорт министрлігінің ЮНЕСКО қамқорлығындағы  Халықаралық мәдениеттерді жақындастыру орталығы  ұйымдастырды.

Форумның міндеттері - халықтардың мәдени мұрасын сақтау және жандандыру; түрлі этностардың мәдениетіне  қызығушылықты арттыру және оны насихаттау; этносаралық қарым-қатынасты нығайту; ұлттық мәдениеттердің  өзіндік ерекшелігін ашып көрсету; жас ұрпақты мәдени құндылықтарды жалғастыруға ынталандыру; халықтардың мәдени мұрасының тарихи құндылығын түсіну; қазіргі көпұлтты және поликонфессиялық қоғамның даму жағдайындағы қарым-қатынастағы ұлттық-азаматтық бірегейлік пен толеранттылыққа тәрбиелеу; мәдениеттердің өзара әрекеттестігі  және кәсіпшіліктің, қолөнер мен халық шығармашылығының алуан түрлерімен танысу.

Форумға Халықаралық мәдениеттерді жақындастыру  орталығындағы «Идеялар зертханасы» жастар бағытының  мүшелері - мектептер, «Almaschool» кәсіпкерлік білім беру мектебі, № 73 мектеп-гимназия, Орталық Азия мен Ресей елдерінен серіктестер қатысты.