Құрметті әріптестер!

Қазақстан Республикасы Мәдениет және спорт министрлігі  ЮНЕСКО қамқорлығындағы Халықаралық Мәдениеттерді жақындастыру орталығы «Мәдениеттерді жақындастырудың халықаралық онжылдығы» (2013-2022 жж.) және ЮНЕСКО-ның білім қоғамдарын құру бойынша идеяларын практикалық іске асыру аясында ҚР БҒМ ҒК Философия, саясаттану және дінтану институтымен бірлесіп «Бейбітшілік жолдауына әртүрліліктің байлығынан: білім поэтикасы мен әлем діндеріндегі толеранттылық» атты білім мәдениетін қолдау мақсатында II Халықаралық кеңес ұйымдастырады.

Өтетін күні: 10 қыркүйек, 2021 жыл.

Өтетін уақыты: 14.00-18.00 ( Алматы уақыты)

  10.00-14.00 (Орталық Еуропалық уақыт - CET)

Хабар таратуды ұйымдастыру орны: Қазақстан қонақ үйі «Алтын-Емел» конференц-залы, Алматы қаласы, Қазақстан Республикасы.

Онлайн-кеңеске қосылу үшін сілтеме:

https://us06web.zoom.us/j/88681553886?pwd=NnpEdEdxNWl0Y3BZYTBTTGUwQUR rZz09

Конференция идентификаторы: 886 8155 3886

Кіру коды: 068200

Кеңестің мақсаты әлемдік және дәстүрлі діндердегі білім мен толеранттылық поэтикасын түсіну, бұл олардың алуан түрлілігін адамзаттың мәдени байлығы ретінде түсінуге және сонымен бірге олардың ортақ генезисін, генеалогиясын, ежелгі дәуірден қазіргі уақытқа  дейінгі диалог тарихын көруге және мәдениеттердің жақындасуын ынталандыруға мүмкіндік береді.

Кеңестің міндеті ЮНЕСКО-ның Мәдениеттерді жақындастырудың халықаралық онжылдығын өткізу жөніндегі іс-қимыл жоспарынан туындайды:

- үкіметің, қоғамдық пікір қалыптастырушы азаматтардың және дін қайраткерлерінің, дінге сенушілер мен сенбейтіндердің, азаматтық қоғам мен жеке сектор өкілдерінің назарын діннің манипуляциясына қарсы іс-қимыл жасау және әлеуметтік тұрақтандыру мен бірігу процесіне жәрдемдесу үшін мәдениетаралық және дінаралық диалог рөліне аудару арқылы үйлесімді өмір сүруді қамтамасыз етуге бағытталған жаңа саяси шараларды, әдістер мен құралдарды әзірлеу.

- мәдени, этникалық, тілдік және діни әртүрлілікпен өзара түсіністікке және өзара танысуға жәрдемдесу, сондай-ақ татуласу процестерін қолдау.

Осы кеңес ұлттық және халықаралық контекст үшін өзекті болып табылады. Әр түрлі аймақтардағы зорлық-зомбылықтың өршуі өркениеттер қақтығысы туралы әсер қалдырады. Әлемнің осындай ақпараттық кеңістігінде адамзат бір-біріне қарама-қайшы келетін мәдениеттерге, идеологияларға және діни көзқарастарға бөлінген. Бұл жағдайда діндерге экстремизм мен терроризмнің стигмасы беріледі. Сонымен қатар, дін (лат. religare – «біріктіру») ежелгі дәуірден бастап бүгінгі күнге дейін адамзат қауымдастығында этикалық (құндылықтар), этиологиялық (әлем бейнесі) және эпистемологиялық (әлем туралы білім) функцияларды атқарды, ғылыммен онтологиялық мәртебеге және эвристикалық әлеуетке тең болды, ғылыми біліммен үздіксіз диалогта болды, кейде оның дамуын ынталандырды.

Ежелгі дәуірден қазіргі уақытқа дейінгі әлемдік және дәстүрлі діндердегі толеранттылық поэтикасын зерттеу маңызды болып табылады, бұл көбінесе олардың космологиясынан шыққан, олар әлемнің бірлігі мен тұтастығын бекітеді. Діндерді саналы түрде жақындастыру әрекеттерін олардың жақтаушылары бірнеше рет жасаған. Адамзат мәдениетіне айтарлықтай әсер еткен тағы бір қызықты құбылыс – тарихтың әртүрлі кезеңдеріндегі ұлы көші-қон, жаулап алу және мәдени байланыстардың нәтижесі болған діни синкретизм. Діндер бейнелері, идеялары, культтері, ырымдары мен рәміздері синтездің жаңа синергиясын, білімнің жаңа поэтикасын, әртүрліліктің жаңа байлығын қалыптастырды.

ЮНЕСКО-ның Мәдениеттерді жақындастырудың халықаралық онжылдығын (2013-2022) өткізу жөніндегі іс-қимыл жоспарында айтылғандай, мәдениаралық және дінаралық диалог арқылы мәдениеттерді жақындастыру тараптардан айырмашылықтарды, оның ішінде тарихқа, тілге, мәдени мұраға, бір-бірінің діні мен нанымына қатысты базалық түсінуді талап етеді. Барлық халықтар мен мемлекеттердің өмірі өзара тәуелді болып келе жатқандықтан, бір-біріне деген құрмет жеке кеңістікті сақтаумен шектелмейді, ол – мәдени, этникалық, тілдік және діни әртүрлілікті оң және өзара түсінуге негізделуі тиіс.

Кеңесті өткізу кезінде 3 секция жұмысы жоспарланған:

1. Әлемдік және дәстүрлі діндердегі білімнің поэтикасы
2. Ежелгі дәуірден қазіргі уақытқа дейінгі дінаралық диалогтың тарихы
3. Бейбітшілік Жолдауы: әлемдік және дәстүрлі діндердің планетарлық сананы қалыптастырудағы рөлі мен қызмет көрсету орны

Коронавирустың таралуынан туындаған әлемдегі күрделі эпидемиологиялық жағдайды ескере отырып, Кеңес шетелдік және басқа қалалардан келген қатысушылар үшін онлайн-форматта және Алматыдан келген қатысушылар үшін аралас түрде өтеді.

         Байланыстар:

      ЮНЕСКО қамқорлығындағы  Халықаралық мәдениеттерді жақындастыру орталығы 

        info.crc-kz@mail.ru +7 727 261 20 09

          Құрметпен,

         Ұйымдастыру комитеті